香港市民，究竟同唔同意「一死亦唔益」去起三跑？
點解一味要保持咩競爭力？乜而家咁有競爭力，香港人好很幸福同快樂咩？而世界上冇咁具競爭力嘅地方嘅人係咪通通痛苦到要死先？一次又一次搬呢個完全唔係理由嘅理由出來合理化啲大白象工程，根本就係搵笨實。
好耐冇講過老掉牙嘅故事，又講吓先…
有個老人家戴緊一棚假牙，甩緊其中一隻，心裡頭成日覺得差緊啲，去搵牙醫想鑲過副新嘅。
個牙醫問佢其實副牙係咪用唔到？係咪食得佢好痛？會唔會食食吓甩出來？
佢諗吓又唔係喎。
個牙醫話，既然副牙仲好好食，做乜要為嗰一隻牙嘥差唔多成萬文去整過呢？整咗又冇保證一定好食咗。不如用嗰啲錢去買嘢食咪仲開心！
佢又諗吓諗吓…
究竟會真係開心咗，定係仍然覺得唔多妥，認為只係個牙醫怕麻煩，唔肯同佢鑲？
好視乎個老人家嘅心態，更加視乎個牙醫畀人嘅口碑同感覺，係咪信得過囉…
二十年前的五一九，我還是一個牙醫學生，正上著義齒學的實習課，收到母親的通知：下課後請趕快到醫院，因為外祖母的病情很是危急。記得當天應付的是一個頗麻煩的病人……當我到達醫院時，外祖母已離開了……二十年後的這個早晨，過得也很不爽，同樣是一個麻煩得很配假牙的病人，結果是我為了叫自己的心情好過些，用退錢的方法把她打發走了！
真係多謝兼唔該哂啲善長人翁喇！有錢唔該去做啲真係對世界或社會有貢獻嘅嘢啦！而唔係求其掟筆錢出來，叫啲社福機構或NGO嘅社工天馬行空咁諗埋啲不切實際嘅projects，為使錢而使錢！啲老人家都唔係咁覺自己有需要，就夾硬要挖啲問題出來，但係到真係要處理挖起嘅問題時，每個老人家又只係分得雞碎咁多，脫隻牙都只係僅僅夠，脫咗又冇錢鑲番嗰隻，真係搵倒個醫生同個老人家來搞！你就好安樂咁以為積哂陰德做咗善事，誰不知畀你搵咗笨嘅牙醫同老人家（重有老人家嘅屋企人）就為咗滿足你做善事嘅妄念而嘥哂啲時間兼十五十六唔上唔落，實在係罪過罪過！
明愛事件正是一個現今管理學者迷信於用各式各樣的指引來代替common sense的最佳反面教材。指引和程序從來都是為推卸責任而設的……
九號風球間接導致我們回港的航班延誤，多得光師傅替我們聯繫客車，才能順利於凌晨十二時許安然回家。今日第一天上班，感覺比預期中好……
這麼快又過了home alone的三個星期，今晚就要飛赴奧克蘭會妻兒，期間診所有裝修工程，希望一切順利，能於回港後準時復工。
臨放假先來打風。
如果聴朝早真的掛八號，我都唔知點樣褪d cases……
昨天陳國楝醫生於《都市日報》其專欄內撰文題為《詭異的循環》，論到今天大機構管理層的滑稽與荒唐，實在語語中的。他在結語這樣寫：「社會在進步，讀管理的人越來越多，但類似的蠢事，卻每天都在我們的身邊上演。」施永青月前也曾在他的專欄《Ｃ觀點》寫了一篇《讀MBA有用嗎？》的文章，談及他這位大老闆如何看MBA這學歷。
海牛任職的基督教機構在過去十多年膨脹何只愈倍，管理層架構亦一改再改，然而其邏輯思維與管理水平卻……實在感觸良多。
按聖經，上帝交給人類的第一份工作就是「管理」，但這份工，人類由始自終都做不好……
今夜公司annual dinner，我沒有報名，實在沒有興趣出席一個要我自己畀錢的annual dinner，情願和家人吃頓安樂茶飯，勝於跟一些我不想多見的人一起吃到「背脊骨落」，你或會奇怪我何以在這裡混了十三年，哈哈……
係咪一定要有相關學歷先夠Pro？今日香港呢個社會已經接受唔到自學成功呢一回事，政府整個學術及職業資歷評審局，搞什麼資歷架構，卻連局內人士都話得啖笑。
海牛以為，極端的制度化之結果是愈來愈腐化，因為當人和人之間只講制度，不講良知、常理和互信，最後制度只會淪為推卸責任的藉口。