「你咪以為自己真係一隻可以獨立嘅金雞至得架，你只不過係冇主權嘅奴婢來咋，土豪主人想強姦你，你咪配合吓囉，最好接受兼享受啦，人哋既然開到口話要同你如膠似漆、一定要得，你咪幫吓手、幫吓口，搞起個頭，咪鬼一嘢就踢爆人哋春袋住先啦，主人要嗒你，你就要畀佢嗒，總好過蘇州過後冇艇搭啊！」

話說從前有一位鄉民要上普晅寺修業，卻在路上走迷了，濃霧中來到一個十字路口，遇一仙人指路，好奇問此仙人何許道號，仙人答曰岱祝仙，鄉民乍聞其名，心忖這還不是天來的祝福是什麼，大喜稱謝，並依仙人指示的路線前行，結果失足掉進了一個無底坑，粉身碎骨，萬劫不復，永不超生。

查此所謂仙人原來是一個半唐不番，本姓朱，道號其實是單字一個Die，專送人去見閻王的，自稱Die朱先生。

連春袋同腦袋都切埋，仲袋乜春先？

一人一票，但你嗰票，投與唔投，無關痛癢。到時，就算得六票對八票對九票，九都係會做特首。

仲有嗰招精神分裂嘅最多推薦一個、最少支持兩個，唔知係咪由嗰個既想事奉上帝又想服侍共爺嘅痰痣蝝神學butt孽生諗出來嘅呢可？

李唯治裁判官指施教仁所獲的嘉許狀是「呃番嚟」。

有網媒的文章分析，這可能反映著李官認為施教仁之所以獲聘，甚至其因工作所得之薪酬也是「呃番嚟」。

若然如此，海牛以為，這是一種封建的恩主心態：大老闆就是恩主；僱員受聘，是大老闆的恩賜。你虛報年齡，騙了大老闆開恩賜你工作機會，是何等大罪！

這令我想起耶穌在馬太福音二十章那個葡萄園主的比喻。

在那個時代，工作機會可能真是一種恩賜，所以耶穌才說了一個這樣的比喻，叫當時的人明白上帝賜恩的心意。然而，在廿一世紀的今天，社會已蛻變，我們很難想像有人還當大老闆是恩主。故此，如何演繹聖經這比喻便需要一些調校，否則難有共鳴。再者，如何應用之，更加要小心，切莫將比喻的背景變成真理規條，來合理化封建的制度。

奈何教會中實在有太多如此解經的金句王。

也奈何香港法律界有一個李官。

上週台北之行，充滿感恩，亦學到教訓。

感恩能成行，因為好遲先去book package，今次係幫襯永安，唔錯。

感恩冇人因護照問題出唔到發，應該有好多人明我講緊乜…

感恩天氣轉涼，唔使熱死。但係卻因為落雨，所以打亂咗去近郊嘅景點嘅部署，影相嘅心情都差啲，不過仍感恩去到猴硐睇貓，去到竹子湖睇海芋，尤其感恩係尾二嗰日嘅天氣，成日都冇咩落過雨。

感恩Whatsapp有咗通話功能，同老婆喺旅程中互相聯絡方便咗，唔使吓吓計住電話費，因為出兩張無限上網卡就搞掂，雖然個功能時靈時不靈，都已經好好，尤其是有一次同老婆仔女喺捷運失散咗…台灣之星個plan幾抵玩，五日無限3G上網包50文通話費都係250台幣，二號航廈一落機就有counter。

感恩可以同冇見廿幾年嘅中學同學聚舊，真要多謝佢兩公婆嘅款待，如果唔係有佢哋安排，我哋自己係未必會走上台北101食嘢睇景，雖然亞仔都講過好想上去。

真係唔好信哂旅遊書，尤其係出版咗一年以上嘅，啲嘢話變就變，啲舖頭話執就執，其中一個最失望嘅就係亞女，買唔到心頭好嘅韓星潮物…

人去你又去嘅地方亦唔見得有幾好，好似上引水產咁，我同老婆就覺得唔抵食喇！

自己嘅經驗都唔可信，去到瑞芳搵晏食先知三年前幫襯過OK好食嗰間牛肉麵已變咗靈堂，招牌雖在，人面全非。

第一日晏晝四點零鐘，漫無目的咁走咗入臺博館嘅土銀展示館，竟然因為就來關門，可以免費入場，感恩。

人嘅嗅覺唔係好靈敏，但係呢個最原始嘅感觀，就令我哋第一晚食咗一餐超值嘅任食韓燒，除開竟然每位都唔使一百文港紙，感恩。

捷運松山同信義線開通咗，真係方便過以前好多。不過，我哋四個人，打的都唔算貴，仲要遇著幾個的士司機都幾好傾。

近年去咗幾次台北，搭咗都好幾次台鐵，都仲係覺得啲班次表好難明，而家好多條線都開通咗用到悠遊卡，就更加混亂，究竟係咪對號列車都照坐得，我都仲未搞得清楚。

計劃行程時，老婆已經話想去吓啲文青蒲點，老同學車咗我哋去松山文創園區，但係因為係平日，又係公假後，好多嘢都閂咗，唔係咁多嘢睇，但係感恩一對仔女竟然話嗰個好粗疏嘅咩「解密科技寶藏」展好玩。

今次都叫做去咗好多之前未去過嘅地方，其中有幾處都並非港人嘅遊玩熱點，除咗松山文創園區，仲有：凱達格蘭大道、二二八和平公園、大安森林公園、猴硐、五分舖、饒河街夜市、北投公園、地熱谷、竹子湖，都算係咁喇，真要感恩。

食方面，除咗頭先講第一晚食嗰餐任食韓燒（華斯達克廣場高麗園）外，桃園街趙記菜肉餛飩、猴硐貓村嘅賴在231、西門町附近嘅Nico燒肉冠軍，都好令人回味。

[fb_album id=”675275465935533″]

耶穌叫門徒開船渡海到外邦人之地格拉森，只為救贖一個被人棄絕的鬼附之人，旅程中的大風浪叫他們險死還生…

你我為人，在浩瀚的宇宙中何其渺小，直如微塵，天地的主，竟甘為救你我而降世、受死…

基督的愛，是什麼一回事？

你我或者都如那格拉森人一樣渴望跟主就此在一起，然而主卻差你我到自己的地方去宣講祂為你我作了多大的事。