「你做乜阻住我？你又話愛我嘅？你愛我唔係想要我好咩？」

「但你而家係喺度殺人喎！」

「我殺人先至有快感，你阻住我殺人，唔想我得到快感，就係唔想我好，即係唔愛我！」

「咁我唔愛你喇！但我一定要阻止你殺人！」

「你唔可以唔愛我！亦唔可以阻止我殺人！否則我就連你都殺埋！」

「咁我唔阻你，你殺咗我先啦！」

「你估我唔敢？！你唔好怪我！」

「你認真？！」

「你當我講笑？你既然唔愛我，我做乜仲要愛你？殺埋你，就冇人阻到我去殺人，而且殺你都會增加我嘅快感！」

「咁我愛番你好唔好？」

「咁你仲阻唔阻我殺人？」

「你真係唔可以殺人，我係為你好！我愛你！」

「阻我殺人仲話為我好？或者咁樣吖，你既然唔想我殺人，就不如你代我去殺咗佢啦！」

「而家係殺人啊！唔係玩遊戲啊！我點可以代你去殺佢？求吓你，你唔好成日諗住殺人啦！」

「我要快感！我要快感！我要快感！…我明喇！你唔係愛我，你係愛佢！你愛佢多過愛我！你呃我！仲話對我好！你死啦！」

你，愛國嗎？